Günel Hümbətovanın qafqazinfo-ya müsahibəsini təqdim edir:
- Biz sizi şou-maqazin verilişləri ilə tanımışıq. Siz isə realiti şou - "Yeni həyat" verilişi ilə efirə qayıtdız. Şou -maqazin verilişlərindən uzaq qalmağınızın səbəbi nədir?

- Aparıcılıq sənətinə ilk ərəfələrdə maqazin tipli verilişlərlə başlamışam, özüməməxsus tərzdə aparmışam. Məncə, artıq o çərçivəyə sığmıram.

- "Yeni həyat" verilişi realiti şoudur, iştirakçılar bir aydan çoxdur ki, eyni evdə yaşayırlar. İstər-istəməz hansısa mübahisələr olur ki, bu da normal bir şeydir. Pəhrizlər tutulur, əsəblər tarıma çəkilir, dedikləri sözlər bir-birinin boğazlarından keçmir. Nəticədə qalmaqal yaranır. Dünya təcrübəsində də belədir, bu tipli layihələr qalmaqalsız ötüşmür. Çalışırıq ki, mübahisələri qalmaqalsız yoluna qoyaq.

- Mən reytinq xatirinə aparıcılıq etdiyim müddətdə heç vaxt belə şeylərə əl atmamışam.

- Bəli, 15 kq-dan çox çəki atmışam, müxtəlif pəhrizlər tutmuşam. O ki, qaldı yarışmaya... Bəlkə də artıq çəkili insanların yarışdığı realiti şouya qatılardım.

- İki ölkə arasında qalmaq problem yaratmır. Ölkəmi çox sevirəm. Ona görə düşünürəm ki, bir dəfəlik Amerikaya köçə bilmərəm. Sərhədlərin olmağı həyat yoldaşım üçün darıxmağıma gətirib çıxarır ki, o da bir-birimizin qədrini bilməyə kömək edir. Axı deyirlər ki, uzaq məsafələr zəif münasibətləri yox edir, güclüləri isə daha da gücləndirir (gülür). Həm də qızım çox balacadır, istəyirəm ailəmin, doğmalarımın əhatəsində daha çox vaxt keçirsin. Əsas da anamla... Axı qızım onun ilk nəvəsidir.

- Bunu ilk dəfə sizdən eşidirəm. Mən ilk dəfə 250 manat maaşla işə başlamışam. O vaxt 106 FM radiosunda çalışırdım. İndi isə kifayət qədər yaxşı qonorar alıram. İstər "Yeni həyat" layihəsindən, istərsə də Avto FM radiosundan... Sağ olsunlar, işimi yüksək qitməyləndirirlər. Məzim özüm də zəhmətkeş insanam. Radiodakı efir üçün artıq illərdir səhər tezdən 7-də oyanıram.

- Planımda bir neçə layihə var. Hətta Nyu-Yorkdan birbaşa çəkilib yayımlanması nəzərdə tutulan layihələrdə mövcuddur.

- Mən azad insanam, harada olmağımdan asılı olmayaraq özümü yaxşı hiss edə bilirəm. Çünki nikbin və pozitivəm. Bir çox məşhurlar dünya praktikasına görə gizlənirlər, rahat insanlar arasında çıxa bilmirlər. Bu bizdə də belədir, amma mənim belə bir problemim yoxdur. İdman geyimini geyinirəm, arada şəhərə gəzməyə çıxıram.

- Qətiyyən kompleksim yoxdur, sərbəst insanam. Makiyajdan, göstərişli geyimlərdən yalnız çəkilişlərdə istifadə edirəm. Məndən olsa verilişlərə də makiyajsız çıxaram. Amma bir çox aparıcılar, müğənnilər çəkilişdən çəkilişə üzlərini yuyurlar, taxma kipriklərlə yatıb-dururlar. Mən onları anlaya bilmirəm.