Ramazan ayında bağışlanmaq barədə Həzrət Peyğəmbər (s) buyurur: “Bədbəxt o kəsdir ki, bu böyük ayda İlahi bağışlanmadan məhrum qalsın”.
Həzrət (s) başqa yerdə buyurur: “Həqiqi bədbəxt o kəsdir ki, bu ay onun (yanından keçib) getsin. Ancaq günahları bağışlanmasın. Ona görə də o zaman ki, yaxşı əməl sahibləri Kərim Allahdan hədiyyələrini əldə edərlər, o kəs ziyana uğrayar”.
Həzrət Peyğəmbər (s) buyurur: “Hər kim Ramazan ayından çıxar, ancaq bağışlanmazsa, deməli Allah onu bağışlamayacaqdır”.
Həzrət Peyğəmbər (s) buyurur: “Həqiqətən bu ay sizə yetişmişdir. Onda elə bir gecə vardır ki, min aydan üstündür. Hər kim ondan məhrum olar, bütün xeyirlərdən məhrum qalmış deməkdir”.
Həzrət Peyğəmbər (s) buyurur: “Cəbrayil (ə) mənim yanıma gəlib dedi: “Hər kim Ramazan ayını dərk edər və bağışlanmazsa, atəşə daxil olar”.
Həzrət Rəsuli-Əkrəm (s) buyurur: “Hər kim Ramazan ayını dərk edər, ancaq bağışlanmazsa, İlahi rəhmətdən uzaq olsun! Hər kim Qədr gecəsini dərk edər, ancaq bağışlanmazsa, İlahi rəhmətdən uzaq olsun!”.
İmam Sadiq (ə) buyurur: “Hər kim Ramazan ayında bağışlanmazsa, gələn ilə qədər bağışlanmaz. Məgər o halda ki, Ərəfə gününü dərk edər”.
Həzrət Peyğəmbər (s) buyurur ki, əgər insan bu bağışlanma və rəhmət ayında bağışlanmazsa, deməli bağışlanmağı çox çətindir və Həzrət (s) bu insanları nifrin edər və buyurur: “Bağışlanmasın o kəs ki, Ramazan ayı onun yanında ötüb keçər və o, bağışlanmaz”.
Bu ay - istiğfar ayıdır və bu ay bağışlanma ayıdır. Bu ay - saflaşma və paklanma ayıdır. Ona görə də bu mübarək ayın hər dəqiqəsini dəyərləndirək və çoxlu istiğfar edək. İbadət edək və Quranı yaddan çıxartmayaq. (Tebyan)