Parlaq təbəssüm xarici görünüşümüzün ən önəmli qismidir. Amma çox hallarda sarı dişlərimiz əsas qüsurumuza çevrilir. Bunun qarşısını almaq isə öz əlimizdədir. Diş bəyazlatmanın 2 əsas yolu var, həkim nəzarəti ilə klinika şəraitində və ya ev şəraitində. Klinika şəraitində billur kimi parlaq təbəssüm qazanmaq daha az vaxt aparır, bunun üçün sadəcə professionla həkim tapmanız kifayətdir. Mən isə sizə ev şəraitində necə bəyaz dişlər qazanmağın yollarından danışacağam.

İlk öncə uzaq durmalı olduğunuz ərzaqları bilməlisiniz:

Dişlərinizə xeyirli olan qidalar da kifayət qədər çoxdur. Dişləri zədələmədən ağardan ən yaxşı təbii məhsullar alma, kök, gül kələmi, xiyar və armuddur. Portağal, naringi tiöpli meyvələr C vitamini tərkibli olduqları üçün dişin sərt təbəqəsini gücləndirir, diş əti iltihabının qarçısını alır və turşulara qarçı dişləri qoruyur. Bu bitkilər sırasına çiyələk və brokoli də daxildir. Somon balığı, quru meyvələr dişlərinizin dostudur. Alma sirkəsi, limon suyu ilə isə daha diqqətli davranmalısınız. Belə ki, ağardıcı effektə sahib olsalarda həddindən çox istifadə edildikdə bu məhsullar diş minasına zərə verə və çürüməyə səbəb ola bilir. Qida boyası qatılan içkiləri isə boru ilə içməniz dişlərinizi qoruyacaq.

Ön xəbərdarlığımı diqqətlə oxudunuzsa sizə diş ağardılması üçün ən effektli 3 metod təqdim edirəm:

1.Ən ləziz metod : Meyvələrin möcüzəsi

Həftədə 1 dəfə böyük və yetişmiş çiyələyi püre halına salıb diş məcunu kimi istifadə edə bilərsiniz.

Əgər diş fırçanız yanınızda yoxdursa onu ləzzətli bir yaşıl alma ilə əvəz edə bilərsiniz.

Ağardıcı effekti olan qidalar sırasına yuxarıda da qeyd ettdiyim kimi, xiyar, brokoli, kök, gül kələmi də aiddir. Həm ləzzətli və sağlam qidalanmaq həm də diş ağartmaq qədər ideal nə ola bilər ki?!

2.Kimya dərsi :

3 çay qaşığı soda və 2 çay qaşığı 3%-li perekisi qarışdırıb, həmin məhlulla dişləriniz fırçalayın. Amma bunu əsla həftədə 1 dəfədən çox etməyin. 1 ay ərzində isə bir neçə ton bəyazlamış dişləriniz sizi sevindirəcək.

1 ç.q karbonat(soda) , 1 ç.q zeytun yağı və yarım limonun suyunu yaxşıca qarışdırıb dişlərinizi bu məhlulla fırçalayın. Effekti amma təhlükəlidir. Həftədə 1 dəfədən artıq istifadə etməyin.

1 ç.q karbonat, 1 ç.q. adaçayı və 1 ç.q darçını yaxşıca qarışdırıb diş məcunu kimi istifadə edin. Həftədə 2 dəfədən çox olmayaraq bunu təkrarlaya bilərsiniz.

Diş fırçanıza 2 damla qliserin damladıb onunla dişlərinizi fırçalamaq da bəyaz dişlərə bir addım yaxınlaşmanıza yardım edəcək.

3. Makiyajın gücü:

Qırmızı rəng dodaq boyasının soyuq tonlarından istifadə edin. Bu rəng dişlərinizi vizual olaraq daha parlaq görünməsinə şərait yaradacaq.

P.S Hansı metoddan istifadə etsəniz, ilk öncə dişlərini yaxşıca fırçalayın.